أولا إسمحولى موضوع زى ده محتاج الكتابة فيه تكون عامية نتيجة لخطورته إنهارده هنتكلم عن العملة
الجديدة اللى كل الناس بتتكلم عنها خلال الوقت الحالى عملة الباى نتورك او pi network
وأصبح الموضوع مطلب جماهيرى طبعا كلامى مش هيعجب ناس كتير ومنهم اللى كان بيأمل ان يحقق
الملايين من خلال العملة الجديدة دي وبدأ يبني احلامة وأماله على اللى هيوصلة من خلال العملة السحرية
الجديدة دي
ليه الموضوع ده إنتشر دلوقتي بالشكل الكبير ده ؟
طيب بشكل مبدئى كل الناس اللى عماله تكتب بوستات عن الموضوع ده وكلهم بيشتركوا في حاجة واحدة
هي استغلال الظروف الحالية بالنسبة لأعمال كتير متوقفه وأد أيه ممكن تحقق ربح من خلال مجرد تطبيق
على موبايلك وبعدها تكسب فلوس بدون أى مجهود والمشترك بين طريقة عمل العملة الحالية وغيرها من
طرق النصب التقليدية زى الكيونت وغيرها وغيرها من الطرق هي حاجه واحدة فكرة الشبكية وانك تدخل
معاك اكبر عدد ممكن حاجة كده من الاول بتقولك احنا نصابين خلى بالك بعض الناس قالك انا مش هخسر
حاجة كسبت كسبت خسرت مش هبقى خسرت حاجة إوعى تفكر إن مجرد وجود واحد دكتور من جامعة
ستانفورد ده يحميك من النصب انا اهو بقولك مالهاش علاقة
طريقة إنتاج البيتكوين مختلفة :
طيب لازم نفهم طبيعة عمل البيتكوين اللى الغالبية الان بيحاولوا يستخدموها عشان يقنعوك بالعملة الجديد
دي ده لو سميناها عملة اصلاً البيتكوين فى الاساس نظام تعديني ظهر في 2008 عن طريق مطور مازال
مجهول إلى الان وده طبعا عشان توفير بديل مالى بيقوم على فكرة الخوارزميات والعمليات الحسابية التقنية
ًالمعقدة وبيعتمد على أجهزة خاصة ذات سرعة عالية جدا وقوية جداً عشان بتستخدم برامج عملاقة ومعقدة جدا
بالتالى الحواسيب الشخصية اللى معانا دى ماتنفعش للتنقيب وممكن يستخدم بعض خدمات الانترنت للعملية دي
بالتالى إزاى تصدق إن الموبايل اللى في ايدك ده يقوم بالعمليات دي ولو فرضا إن ده صح الطبيعى ان يبوظ
علطول وإن كان مافيش حاجة إسمها كده اصلا
إيه الأهداف الحقيقية من الباي نيتورك؟
طيب الهدف الحقيقي ايه ؟ الهدف هو جمع معلومات أبعد مما تتخيل عنك وعن كل اللى تعرفهم عن طريق ان
بيشغلك عنده هتقولى انا اصلا ماعنديش ملعومات مهمة هرد وأقولك الموبايل يقدر يدخل على جهات الاتصال
وصورك وكل ملفاتك واخد بالك.. صورك ها .. وتعديل وحذف الملفات واتصال الواى فاي واهمهم الرسم فوق
التطبيقات اللى عن طريقها ممكن تتسرق معلوماتك البنكية وكتير مننا دلوقتي بقى بيستخدم المحافظ الإلكترونية
وكمان بطاقات الدفع بأنوعها المختلفة
نقطة أخيره في غاية الأهمية :
أخر حاجة مافيش حاجه في الدنيا اسمها مكسب من فراغ الطاقة ذات نفسها لاتستحدث من العدم ولينا في اللى حصل
السنوات الاخيرة عبرة أوقات كتير كنت اسمع عن التسويق الشبكي ومن ايام ماكنت طالب في الجماعه كنت متأكد إن
كل ده نصب ولايمكن يكون حقيقة في منطق الواحد بيستخدمه في التفكير والحكم على الأمور وياما ناس راحت قعدت
على كافيهات واتحكالهم عن اللى دخلوا الشغلانة دي وبعد شهور بقى معاهم سيارات بي إم دبليو وقصور وهات كام
واحد تحتيك وفي النهاية كان كل ده بيطلع نصب لو شايف إن معلوماتك مش مهمة أنت ماتعرفش الناس دي هتعمل بيها
ايه وماتقوليش ماهو الفيس بيعمل كده هقولك هدفه معلن مش بيضحك عليك لكن ناس ماتعرفهمش ماتضمنش إن في يوم
يبيع صور ليك أو معلومات عنك اوشات مالهوش لازمة ليه لكن ليه لازمه عندك للى بيشترى وساعتها يساومك عليه كل
حاجه وارده في الوقت اللى بنعيشة دلوقتي اعمل واشتغل في مشروع حقيقي حقيقى مش معناها ان يكون ملموس عندك
مئات الاعمال على الانترنت زي إنشاء المواقع او تقديم خدمات على مواقع الفرى لانس المختلفة تقدر تكبر من خلالهم
أو مشروع مادى على أرض الواقع لكن ماتديش دماغك لناس تستفيد منك وانت مش فاهم وماتنساش النصاب دايما محتاج
طماع أو محتاج وبيلعب على النقط دي.
| سعر PI | US$ 0.00800905 |
|---|---|
| القيمة السوقية | US$ 6,423,446 |
| سيطرة رسملة السوق | 0.00% |
| حجم التداول | US$ 74,146 |
| الحجم / القيمة السوقية | 0.0116 |
pi network price:
| PI NETWORK PRICE $1,9771 | ALL-TIME HIGH $0,4435 | DAYS SINCE ATH395 |
| PRICE CHANGE $0,0171 (0.4636%) | DATE OF ATH 3/22/20 | % OF ATH 445.80% |